*მზადების სავარაუდო დრო 1სთ - 1.5სთ

ინგრედიენტები:

• საქონლის ფარში - 1 კგ
• პომიდვრის წვენი - 400 გრ
• ტომატ პასტა - 2 სუფრის კოვზი
• სპაგეტი/პენე - 400 გრ
• ხახვი - 2 ცალი
• სტაფილო - 3ცალი
• ნიორი - 4 ცალი
• ნიახურის ღერი - 1 ცალი
• ხორცის ან ბოსტნეულის ნახარში - 500გრ
• ორეგანო - 1/2 ჩაის კოვზი
• ბაზილიკი 1/2 ჩაის კოვზი
• მარილი - გემოვნებით
• შავი /წითელი პილპილი - გემოვნებით
• როზმარინი - 4 ღერი
• პარმეზანი - 100 გრ
• თეთრი მშრალი ღვინო - 150 მლ

მომზადება:

პირველ რიგში გამოვიყენოთ სქელ ძირიანი ტაფა ან ქვაბი. დავასხათ ზეთი , დავუმატოთ როზმარინი, შემდეგ კი ხახვი და სტაფილო , რამოდენიმე წუთში წვრილად დაჭრილი ნიორი. როგორც კი ბოსტნეული კარგად ჩაშუშდება, შემდეგი ჯერი მოდის საქონლის ფარშზე. ვთუშოთ რამოდენიმე წუთი. როგორც კი ხორცი დაიწყებს წვენის გამოშვებას ვუმატებთ პომიდვრის წვენს ან პასტას. ნებისმიერ ნახარშს, მნიშვნელოვანია ნახარშის და არა წყლის გამოყენება, ამ შემთხცვევაში განსაკუთრებულად გემრიელი სოუსი მიიღება.

დავუმატოთ სოუსს ღვინო, სუნელები, ნიახური. დავახუროთ თავსახური ქვაბს და ვადუღოთ ძალიან დაბალ ცეცხლზე 1 საათის განმავლობაში. ბოლონეზეს სოუსი მზად არის.

მარილიან წყალში მოვხარშოთ პასტა, ცალკე ტაფაზე გადმოვიტანოთ ბოლონეზეს სოუსის ის რაოდენობა , რამდენ პერსონასაც გვინდა რომ გავუმასპინძლდეთ. დავუმატოთ მოხარშული პასტა და ოდნავ პასტის ნახარში. კარგად ავურიოთ ერთმანეთს, რამოდენიმე წუთი დავაყოვნოთ გაზქურაზე, შემდეგ გადავიტანოთ თეფშებზე და მოვახეხოთ პარმეზანი.

პორცია გათვალისწინებულია 4 ადამიანზე