ინგრედიენტები:

• 200 გრ ორცხობილა
• 100 გრ კარაქი
• 3 კვერცხი
• 100 გრ შაქარი
• 700 გრ კრემყველი (რეცეპტში გამოყენებულია პინარის კრემყველი ლიმონით და კლასიკური)
• 200 გრ ნაღები 35 %იანი
• 40 გრ სიმინდის სახამებელი
• 5 გრ ვანილი

 თუ მხოლოდ კლასიკურ კრემყველს გამოიყენებთ დაამატეთ ლიმონის ცედრა და წვენი.

დააჩოფერეთ ორცხობილა და დაადნეთ კარაქი, გადაურიეთ ერთმანეთს და ჩატკეპნეთ საცხობი ფორმის ძირზე, გამოაცხვეთ წინასწარგახურებულ ღუმელში 180 გრადუსზე 7-8 წუთი.

ათქვიფეთ კვერცხი და შაქარი, დაუმატეთ კრემყველი, კვლავ ათქვიფეთ, თუმცა რამდენიმე წამით. ამ მასას დაუმატეთ ნაღები, ვანილი, სიმინდის სახამებელი და გადაურიეთ ხელით. მიღებული მასა დააახით ორცხობილას, ჩიზიან საცხობ ფორმას მჭიდროდ შემოახვიეთ ფოლგა და დადეთ საცხობ სინზე, რომელზეც დაასხამთ წყალს, აი შემდეგ კი მოათავსეთ ჩიზი წინასწარგახურებულ ღუმელში 160 გრადუსზე 1 საათი და 10 წუთი.

გამომცხვარი ჩიზი გააჩერეთ ღუმელში 2-3 საათი ისე, რომ ღუმელის კარი არ გააღოთ, შემდეგ გამოიღეთ და შედგით მაცივარში, გააციეთ 4-5 საათი.

კონფისთვის დაგჭირდებათ:

• 500 გრ ცოცხალი ან გაყინული მოცვი
• 50 გრ შაქარი
• 1 ს/კ სიმინდის სახამებელი, რომელსაც გახანით 1 ს/კ წყალში ( რათა კონფი შეიკრას და შესქელდეს)

ყველა ინგრედიენტი მოათავსეთ სქელძირიან ქვაბში და დადგით დაბალ ცეცხლზე, ურიეთ გამუდმებით, რათა არ მიიკრას. რომ ადუღდება ქურაზე გააჩერეთ კიდევ 3-5 წუთი, გადმოდგით და შეაგრილეთ.

მოასხით კონფი ჩიზს და მიირთვით.