კომპანიის ისტორია

კომპანიას საფუძველი 2006 წელს ჩაეყარა ხედვით – მომხმარებლისთვის შეგვეთავაზებინა ხარისხიანი, მრავალფეროვანი და ხელმისაწვდომი პროდუქცია, თანამედროვე ლოჯისტიკური და სადისტრიბუციო სისტემებით. წლების განმავლობაში დაგროვილმა გამოცდილებამ, პარტნიორებთან გამჭვირვალე ურთიერთობამ და ბაზრის მოთხოვნებზე მუდმივმა ადაპტაციამ მყარი საფუძველი შეუქმნა საიმედო და სტაბილურ საქმიანობას.

იმპორტისა და დისტრიბუციის პროცესში განსაკუთრებული ყურადღება ეთმობა პროდუქციის ხარისხს, მომწოდებლის რეპუტაციასა და უსაფრთხოების სტანდარტების დაცვას. თითოეული პროდუქტი გადის შესაბამის შემოწმებას, რაც უზრუნველყოფს ხარისხის შენარჩუნებას პროდუქტის საწარმოდან საბოლოო მომხმარებლამდე.

დისტრიბუცია ფარავს საქართველოს მთელ ტერიტორიას. მძლავრი ლოჯისტიკური სისტემა, მოწესრიგებული და თანამედროვე სტანდარტებზე დაფუძნებული საწყობები, მაცივრიანი და მშრალი გადაზიდვის ავტოპარკი საშუალებას იძლევა, მიწოდება განხორციელდეს სწრაფად, უსაფრთხოდ და ეფექტურად. კომპანიის გუნდი მუდმივად ზრუნავს მომხმარებლის მოთხოვნებზე მორგებულ მომსახურებაზე – იქნება ეს საცალო ობიექტი, სუპერმარკეტების ქსელი თუ HoReCa სექტორის წარმომადგენელი.

საქმიანობის მთავარი პრინციპებია სტაბილურობა, სანდოობა და გრძელვადიანი თანამშრომლობა. ურთიერთობები პარტნიორებთან დაფუძნებულია პროფესიონალიზმსა და ნდობაზე, ხოლო მუდმივი განვითარება უზრუნველყოფს ბაზრის თანამედროვე მოთხოვნებზე რეაგირებას და მათთან ადაპტაციას.

დღეს, გამოცდილებისა და ერთგულების წყალობით, კომპანია იმყოფება ბიზნესის იმ ეტაპზე, სადაც ხარისხი და პასუხისმგებლობა ერთმანეთთან თანხვედრაშია. ამის ნათელი დადასტურებაა მრავალწლიანი კავშირები პარტნიორებთან, ერთგული მომხმარებლები და მზარდი წვლილი ბაზრის კვების სექტორის საიმპორტო/სადისტრიბუციო ინფრასტრუქტურაში.

კომპანიის იდენტობის შესანარჩუნებლად ყოველდღიურად ვცდილობთ შევუქმნათ საფუძველი მუდმად ჩვენი ღირებულებების გადამეორებით: საქმიანობის ფუნდამენტურ საყრდენს წარმოადგენს ღირებულებები  - რომლებზეც შენდება ყოველდღიური გადაწყვეტილებები, კავშირები და ზრდა. თითოეული ნაბიჯი ეფუძნება პრინციპებს, რომლებიც დროს არ ექვემდებარება და უზრუნველყოფს როგორც შიდა სამუშაო პროცესების, ისე გარე პარტნიორული ურთიერთობების ეთიკურ მართვას.

• თანამშრომლები განიხილებიან როგორც მთავარი ღირებულება. მათთვის შექმნილია უსაფრთხო, განვითარებაზე ორიენტირებული სამუშაო გარემო, სადაც თითოეული პირის შრომა და ცოდნა ფასდება.
• ყველა საქმიანი ქმედება ხდება გამჭვირვალედ და სამართლიანად. საქმიანობა მართულია შინაგანი პროფესიული ეთიკით, რაც ქმნის ნდობას როგორც მომხმარებელთან, ასევე პარტნიორებთან.
• პარტნიორებთან თანამშრომლობის ყველა ეტაპზე მთავარი მიზანია გრძელვადიანი, პატივისცემაზე და პასუხისმგებლობაზე დაფუძნებული თანამშრომლობა.
• სამუშაო პროცესში მუდმივად ვითვალისწინებთ გარემოზე ზემოქმედებას. პრიორიტეტად განისაზღვრება ეკოლოგიურად გააზრებული და მართებული გადაწყვეტილებები.

სამომავლო ხედვა

მომავალზე ორიენტირებული გეგმები ეყრდნობა ორიენტაციას ხარისხზე, გაფართოებაზე და ციფრული შესაძლებლობების ინტეგრაციაზე. ერთ-ერთი მთავარი მიზანია, დისტრიბუციის არეალის გაფართოება რეგიონებში – სწრაფი მიწოდების ქსელის მეტად გამართვა და უკვე არსებული თანამშრომლობების გაღრმავება.

პარალელურად იგეგმება საწყობების მოდერნიზაცია, ავტომატიზაციის და ციფრული მართვის სისტემების ინტეგრირება, რაც პროცესების ოპტიმიზაციას და კონტროლის მაღალ ხარისხს უზრუნველყოფს. განვითარების სტრატეგიის ნაწილია პროდუქციის ასორტიმენტის გაფართოება — როგორც უკვე არსებული პარტნიორობების მხარდაჭერის, ასევე საერთაშორისო ბრენდებთან ახალი თანამშრომლობის დაწყების გზით.

დიდი მნიშვნელობა ენიჭება ასევე დასაქმებულების პროფესიულ ზრდას – იგეგმება ტრენინგების სისტემის ჩამოყალიბება, შიდა უნარების განვითარება და მენეჯმენტის მოდელის დახვეწა.

ძირითადი მიზანი რჩება უცვლელი — გამყარებული რეპუტაციით, სანდოობის შენარჩუნებით და სტაბილური ხარისხით იყო ლიდერი იმპორტისა და დისტრიბუციის სფეროში საქართველოში.

თანამშრომლობისთვის დაგვიკავშირდით:

შპს ალალი პრაიმ თრეიდი

მისამართი: ქალაქი ბათუმი, ქუთაისის ქუჩა №40

ტელეფონი: +995 422 27 33 27

ელფოსტა: info@alali.ge

ვებგვერდი: www.alali.ge