ექერის რძის პროდუქტების მწარმოებელი კომპანია განსაკუთრებულ მნიშვნელობას ანიჭებს ჯანსაღი ცხოვრების წესს, შესაბამისად ისინი მუდმივად ზრუნავენ, რომ პროდუქტი სრულად რძის სასარგებლო თვისებების შენარჩუნებით დამზადდეს და მეტიც მაქსიმალურად გაამდიდრონ საკვები პროდუქტები ადამიანის ჯანმრთელობისთვის საჭირო სხვადასხვა ბუნებრივი დანამატებით. ყველაფერი ზემოთ აღწერილიდან გამომდინარე კომპანია ერთ-ერთი პირველი იყო ბაზარზე, რომელმაც პრობიოტიკებით გამდიდრებული პროდუქტების წარმოება დაიწყო და მომხმარებლებს სთავაზობს, როგორც სტანდარტულ ასევე პრობიოტიკულ პროდუქტებს.

პროდუქციის შერჩევისას ჩვენ ვიყენებთ მიდგომას, რომ კვება ადამიანის ჯანმრთელობის ხერხემალია, სწორედ ამიტომ ვთავაზობთ ქართულ ბაზარს და მის მომხმარებლებს პრობიოტიკებით გამდიდრებული პროდუქტებს, რომელთა შეძენა შეიძლება, როგორც სხვადასხვა ქსელურ მარკეტებში, ასევე იურიდიული მომხმარებლებისთვის საკუთარი ბიზნეს საქმიანობისთვის კვების სფეროში. ჩვენ გთავაზობთ პრობიოტიკულ: აირანს, კეფირს, თურქულ ტრადიციულ იოგურტს, და სტანდარტულ იოგურტს სხვადასხვა არომატებით.

რა არის პრობიოტიკები?

პრობიოტიკები ცოცხალი მიკროორგანიზმები (მიკრობები) არიან, რომლებსაც ბევრი სასარგებლო თვისება გააჩნიათ თქვენი სხეულისა და ორგანიზმისთვის, მაგ: დისბიოზის თავიდან აცილება, რაც მოკლედ შეიძლება აღვწეროთ, როგორც სხვადასხვა სასარგებლო მიკროორგანიზმების დეფიციტი ორგანიზმში. ყველა ადამიანის ორგანიზმი ტრილიონობით მიკროორგანიზმის სახლია, რომლებიც ჩვენთან ერთად ცხოვრობენ და გვეხმარებიან სხეულის ფუნქციონალისა და ჯანმრთელობის შენარჩუნებაში. ყველა მიკრობი, რომელიც ჩვენს ორგანიზმში ბუდობს, არ არის აუცილებლად სასარგებლო ჩვენთვის - ზოგიერთი მათგანი (ბაქტერია) შეიძლება საზიანოც კი იყოს. მაგრამ სასარგებლო მიკროორგანიზმები, როგორიცაა პრობიოტიკები, ხელს უწყობენ პოტენციურად მავნე მიკრობების კონტროლს.

პრობიოტიკებით მდიდარი პროდუქტები შეიცავს მიკრობების შერჩეულ, სასარგებლო სახეობებს, რომლებიც თქვენს ორგანიზმში უკვე მცხოვრებ პოპულაციებს ემატება. საკვებში დამატებული პრობიოტიკული მიკროორგანიზმები სპეციალურად კუჭ-ნაწლავის სისტემის დამხმარე კომპონენტებია.

აქვე შეგახსენებთ, რომ "შპს ალალი 2008" ექერის ოფიციალური და ექსკლუზიური წარმომადგენელია საქართველოში, ახორციელებს ექერის პროდუქციის იმპორტსა და დისტრიბუციას ქართულ ბაზარზე.

დამატებითი ინფორმაციისთვის დაგვიკავშირდით.