ინდაურის საცივი

დაგჭირდებათ:

  • 2 კილო ინდაური (რეცეპტში გამოყენებულია პინარის გაყინული ინდაური, რომელიც შეიწვა ღუმელში)
  • მარილი
  • პაპრიკა
  • დაღერღილი წითელი წიწაკა

 

ეს ინგრედიენტები შევაზილოთ ინდაურს კარგად და შევდგათ წინასწარ გახურებულ ღუმელში, 200 გრადუსზე 1 საათი და 20 წუთი. თქვენ დაარეგულირეთ საკუთარი ღუმელის შესაბამისად.

 

წვენისთვის:

  • 800 გრ თეთრი ნიგოზი
  • 3 -4 კბ ნიორი
  • 1 ჩ/კ მარილი ან თქვენი გემოვნებით
  • 0.5 ჩ/კ წითელი წიწაკა
  • 1 ჩ/კ ხმელი ქინძი
  • 1 ჩ/კ უცხო სუნელი
  • 1.5 ჩ/კ ყვითელი ყვავილი
  • 3-5 ს/კ ადუღებული წყალი (ზეთი რომ გამოადინოთ
  • 50 გრ ნედლი ქინძი კარგად დანაყილი და გაწურული (მხოლოდ წვენი გვჭირდება)
  • 600-800 მლ ადუღებული და გაგრილებული წყალი (ბოლოს რომ გაათხელოთ, სასურველ სისქეზე)

 

გაატარეთ ნიგოზი, შემდეგ გაატარეთ ნიორი და კვლავ ნიგოზი მეორედ. დააყარეთ წითელი წიწაკა და დაასხით ადუღებული წყალი, კარგად სრისეთ ხელით სანამ ზეთი არ გამოვა, ზეთი გადაწურეთ და შეინახეთ.

 

შემდეგ ნიგვზის მასას დააყარეთ მარილი და სუნელები, კარგად გადაურიეთ ეს ყველაფერი ერთმანეთს, დაასხით ადუღებული და გაგრილებული წყალი, იმდენი რა სისქის წვენიც გინდათ, რომ მიიღოთ.

 

დაჭერით ინდაური ნაჭრებად ჩაალაგეთ თასჭი, მოასხით წვენი, ნიგვზის ზეთი და საცივიც მზად არის.

სხვა რეცეპტები

Alali
პასტა ბოლონეზე

ინგრედიენტები: საქონლის ფარში 1 კგ პომიდვრის წვენი 400 გრ ტომატ პასტა 2 სკ სპაგეტი/პენე 400 გრ...

Alali
ჩიზქეიქი მოცვით - 18 დიამეტრის ფორმისთვის

ინგრედიენტები: 200 გრ ორცხობილა 100 გრ კარაქი 3 კვერცხი 100 გრ შაქარი 700 გრ კრემყველი (რეცეპტ...

Alali
პიცა

ინგრედიენტები ცომისთვის: ფქვილი 600 გრ მანანის ბურღული 200 გრ თბილი წყალი 500 მლ შაქარი 1 ჩკ მ...

Alali
საახალწლო დაფა

ინგრედიენტები: პურის ჩხირები Eker-ის ბრენდის 4 ტიპის ყველი: დაპწნილი, მოცარელა, ჩლეჩილი, ჩედარ...