ინგრედიენტები:

• საქონლის ფარში 1 კგ
• პომიდვრის წვენი 400 გრ
• ტომატ პასტა 2 სკ
• სპაგეტი/პენე 400 გრ
• ხახვი 2ც
• სტაფილო 3ც
• ნიორი 4 კბ
• ნიახურის ღერი 1 ც
• ხორცის ან ბოსტნეულის ნახარში 500გრ (მე ქათმის ნახარში მქონდა )
• ორეგანო 1/2 ჩკ
• ბაზილიკი 1/2 ჩკ
• მარილი გემოვნებით
• შავი /წითელი პიმპილი გემოვნებით
• როზმარინი 4 ღერი
• პარმეზანი 100 გრ
• თეთრი მშრალი ღვინო 150 მლ

პირველ რიგში გამოვიყენოთ სქელ ძირიანი ტაფა ან ქვაბი. დავასხათ ზეთი , დავუმატოთ როზმარინი, შემდეგ კი ხახვი და სტაფილო , რამოდენიმე წუთში წვრილად დაჭრილი ნიორი. როგორც კი ბოსტნეული კარგად ჩაშუშდება, შემდეგი ჯერი მოდის საქონლის ფარშზე. ვთუშოთ რამოდენიმე წუთი. ხორცი გამოუშვებს წვენს ,შემდეგ ვუმატებთ პომიდვრის წვენს ან პასტას. ნებისმიერ ბულიონს, მნიშვნელოვანია ბულიონის და არა წყლის გამოყენება. სულ სხვა გემოს აძლევს სოუსს.

დავუმატოთ სოუსს ღვინო,სუნელები, ნიახური. ,დავახუროთ თავსახური ქვაბს/ტაფას და ვადუღოთ ძალიან დაბალ ცეცხლზე 1 საათის განმავლობაში. ბოლონეზეს სოუსი მზად არის.

მარილიან წყალში მოვხარშოთ პასტა, ცალკე ტაფაზე გადმოვიტანოთ ბოლონეზეს სოუსის ის რაოდენობა , რამდენ პერსონასაც გვინდა რომ გავუმასპინძლდეთ. დავუმატოთ მოხარშული პასტა და ოდნავ პასტის ნახარში. კარგად ავურიოთ ერთმანეთს, რამოდენიმე წუთი დავაყოვნოთ გაზქურაზე, შემდეგ გადავიტანოთ თეფშებზე და მოვახეხოთ პარმეზანი.

პორცია გათვალისწინებულია 4 ადამიანზე

რეცეპტში გამოყენებულია  წამყვანი იტალიური ბრენდის Granoro-ს პროდუქცია